阿仔…著鞋除咗用腳都要用手

我承認對住一啲自理能力較差嘅小朋友，係比較容易燥底。

4歲小寶寶自己著鞋，雙腳同一時間插落對鞋，對腳不斷𦧲對鞋都𦧲唔入，而過程中完全無用過對手。 跟住個樣同把聲好慘咁望住我：著唔到🥺😢

我心中嘅白眼已經返到上天，然後無乜修飾直出：著鞋要用對手，你拎對手出黎幫啦。

其實我心中已經彈出呢個小朋友平時一定係有工人姐姐/家長/四大長老幫佢快手做晒所有野，搞到著鞋要用手配合都唔識😤 （我認我係有bias)

然後我踎係旁邊一直陪住但唔幫佢，剩係提佢手仔可以點做，最後終於成功著到鞋，佢雙眼發光咁望住我。我讚佢：係囉，你自己都做到架！叻叻！我舉起雙手，叫佢give me 10🙌🏼，佢俾完個十我，好大力咁攬住我😳

佢呢個擁抱令我發現原來令小朋友有能力感係咁重要，佢發現原來自己係有能力照顧自己，唔係所有野都要大人幫佢做。

老土總結：大人，唔好pack 到啲時間咁緊，俾空間小朋友做佢應該做嘅嘢啦🤷🏻‍♀️