突如其來送我一小時的玩樂
- Sparkle Edu
- 1月14日
- 讀畢需時 2 分鐘
話說有一日下午 14:09，電話突然震動... 📱
朋友：「你喺邊？」
我： 「大圍」
朋友：「急！！15:00 小西灣要人代課，救命！🆘」
我： 「唔得啦... 點趕呀... 😭」
朋友：「救命!! PLZ!!!」
我： 「...... 俾地址我啦！」
於是，我用咗 10 分鐘衝衝處理好手上工作、九秒九 Call 的士。
🚕 14:27 上車
🏁 14:55 落車
💪 15:00 準時地踏入課室！✌️
其實做代課老師最開心嘅地方，就係可以暫時放下課程進度。如果導師無特定要求，我嘅目的只有一個：同同學玩得開心、睇到佢哋學識合作。 😌
喺短短一個鐘我同 18 位中一學生玩咗幾個劇場遊戲，最具挑戰性係 🕹️ 升級版紅綠燈
雖然佢哋失敗咗好多次，但最令我驚喜嘅係：無人發脾氣！
大家反而聚埋一齊傾策略再試過。雖然到最後都未能成功挑戰，但嗰份「輸得起」嘅韌性真係好正！
落堂前，我哋圍圈坐低互相欣賞。雖然要初次見面嘅中一生開口讚人有啲難（呢啲「粗重野」就留返俾企鵝做啦 😂），我見到佢哋：
✅ 越嚟越控制到身體
✅ 專注度爆燈（無俾我呢個傻企鵝影響到！）
✅ Team Spirit 滿滿 🔥
落堂後，老師行過嚟同我講，佢從未見過「麵包超人」呢一面。平時上堂讀書佢一直好無自信，但啱啱竟然主動帶領同學討論。
仲有另一個「四眼仔」，平時坐唔定，今日竟然可以定格咁耐！
老師感嘆：「佢哋兩個其實係 SEN 學生...」
但老實講，喺啱啱嗰一個鐘入面，我一啲都唔覺得佢哋同其他學生有分別。
其實現行嘅教育制度，好多時太著重於「智性學習」同長時間嘅「靜態吸收」。但呢種單一模式，並唔適合所有學生，甚至會令一啲好有才華嘅細路被誤解係「有問題」。
✨ 其實只要搵到恰當嘅教學方法，每個學生都可以係閃閃發光嘅主角。✨
今日雖然趕到氣咳，但最後我同佢地玩得好開心，賺咗快樂的一小時！
留言