童心律動之旅

親子身體課，我每次都好期待當中會有美麗moment❤️嘅出現。

親子(K1) 活動玩到身水身汗後，我同家長分享簡單幼兒靜觀練習，減低小朋友因玩得太興奮而瞓得唔好嘅機會。攤開瑜伽蓆，家長同小朋友做完呼吸練習後，慢慢都瞓低一齊休息。

起初小朋友依然不停地郁，一般都有大半嘅家長會焦急的安撫小朋友要安靜，但其實正所謂🐒see 🐒 do，大人急小朋友又急，你越急住安撫佢就越唔定。我以溫柔而又堅定嘅語氣邀請家長唔好理小朋友，平躺休息注意自己嘅呼吸，大部分家長終於安定下來。當全場一齊凝造寧靜平和嘅氣氛，小朋友隨之靜落黎。（當然唔會十全十美，我都有個別小朋友要調節一下嘅😅）

我開始帶領家長做呼吸練習，安定心神，提醒家長都要好好愛錫自己。大約8分鐘後，小朋友又開始郁嚟郁去。

🐧：（溫柔）小朋友，爸爸媽媽平日照顧你地已經好攰啦，不如我地乖乖安靜多一陣俾爸爸媽媽休息，好嗎？

你唔好以為2、3歲人仔唔識聽，其實佢地好知好明，又乖乖地靜多3分鐘🥰

然後，我邀請小朋友爬上父母嘅身體，摸摸父母臉頰，錫錫佢地嘅面珠😘幫手用充滿愛嘅方法叫醒父母。💕💕💕💕

好多家長分享最尾小朋友爬上自己身上、錫自己呢個位好感動好難忘，不自覺眼濕濕🥹。因為從來都無諗過原來小朋友都識得照顧爸媽，會願意靜多一下下俾佢地休息。同埋專注當下去感受兩個人咁親密嘅接觸，原來係好珍貴美麗。 呢啲時刻，就係我無小朋友嘅人最羨慕同妒忌嘅moment。 哼😤我返去攬下我阿媽先！🤣

好多家長不斷付出唔識得接收，其實小天使係帶住愛嚟到父母當中，佢地會用自己嘅方法去愛你照顧你。爸媽多啲坦誠同小朋友分享自己嘅感受同需要，令佢地學懂咩叫「同理心」，相信就算簡單一個錫錫都可以為你差差電。😘